العمل التطوعي وخدمة المجتمع
قال تعالى: ( فَمَنْ تَطَوَّعَ خَيْرًا فَهُوَ خَيْرٌ لَهُ )[البقرة/184]
ثقافة العمل التطوعي وخدمة المجتمع موجوده عندنا في الإسلام
لكن تربيتنا وثقافتنا الدراسية مانمت عندنا هذا الحس !.. وللأسف
إلي يشوف بلاد الغرب يشوف أنهم يحرصون على هالشيء .. فمايمر صيف أو عطله
وفي شاب جالس في بيتهم .. في أمريكا يحثون أبنائهم أنهم يشتغلون في العطلة ويستثمرون وقتهم
حتى بعض المحاكم تفرض على المجرم عدد من الساعات لخدمة المجتمع
يخلونه ينظف حدائق أو يغسل في مغاسل أو يخدم في مطعم وغيرها
لأنهم يعلمون مدى تأثير العمل التطوعي وخدمة المجتمع عالشخص ونفسيته
.
.
.
لمن كنت في الجامعة السمستر الماضي نادي خدمة المجتمع بالجامعة
نظم فعالية أو حملة لزرع الورود سماها ( فليغرسها ) .. وأكيد انا وسمايل
أول ماسمعنا عنها طيراااااااان سجلنا << يحبون هالشغلات
فيويم الفعالية تجمعنا في المكان المقرر و لزقنا البوسترات على الباصات
رحنا لكورنيش الخبر بالتعاون مع بلدية الخبر والظهران .. سمحوا لنا
نزرع قطعة من الواجهة البحرية هناك .. بالورود والعشب الأخضر
أول ماوصلنا الجماعة توضوا وصلوا
وبعدين جانا واحد علشان يعلمنا
شلون نزرع الورود ..
لبسنا القفازات وتجهزنا وبعدين بدينا نشتغل
سلال الورد
سفير
سمايل
وبدوا الربع كل مجموعة تسوي شيء
ناس يحفرون وناس يجيبون الورد وناس يغرسونها
كان العمل منظم ومرتب
كل مجموعة بمكان وموزعين المهام بينهم
في دائرة في النص .. أقترحوا الشباب أن يكتبون أسم الجامعة وشعارها عليها
KFUPM
أختصارات لأسم جامعتنا بالإنجليزي
بعدين جابوا ورود خاصة وبدينا نوزعها على الي يمرون بالطريق
ونعطيهم هدايا
جابوا الهدايا علشان المشاركين ..
بعض الأطفال شافوا هدايا جاو علشان ياخذون ههههههه
عطيناهم هدايا وصورناهم
ياربي يجنن هالولد .. كل يضحك وسولف
سمايلي وحملة فليغرسها
صورة جماعية
.
.
همسة
حاولوا تكونون فعالين في مجتمعكم ومحيطكم
ولتكن لديكم رسالة في الحياة .. لتكونوا عظماء
العمل التطوعي وخدمة المجتمع في أي مجال
في الجمعيات الخيرية
في الحوزات والمناسبات الدينية
في أعمال الخير والمساعدة
خدمة المجتمع
كل هذا بيأثر على شخصيتكم بشكل إيجابي وفعال
وينشيء شخصية متواضعة وإجتماعية وقيادية << سئلوا مجرب
تحياتي
علي البحراني
جميله جدا الاعمال التطوعيه تساعد على الارتياح النفسي وخدمة المجتمع .. موفقين
ردحذفالسلام عليكم اخوي علي
ردحذفحقيقة المدونة راائعة ..اهنيك عليها
واشيد بهمتكم كشباب تستغلوا طاقاتكم فيما ينفع
لكن عندي ملاحظة صغيرونة..
ليش الصور مو طالعة ..حاولت معها اكثر من مرة بس شكله مافي امل
ياريت تحل هالمشكلة ,لعل نستفيد من ابداعاتكم