شاورماااااااا

 

معنى الشاورما باللغة التركية هو: شرائح اللحم واللحم المشوي
فأصل هذه الأكله من تركيا <<< علشان كذا أغلب معلمي الشاورما يا أتراك أو سوريين

.
.
.

الأحــد 17 رمضان 1430 هـ - 6 سبـتـمبر 2009 م

جوع .. ومافي أهل في البيت .. وعندك 3 ريال .. وتبي تتعشا

مالك إلا ..

الشاورمااااااااااااااا

الأحساء إفتقدت هذه الوجبة << كلها سندويش أي وجبه ههههههههه
المهم البلدية منعتها قبل رمضان .. والحين رجعت .. ياهلا وياغلا بالشورما

هالشاورما كانت أكلتي المفضلة من كنت صغير كان إذا طلعني الوالد معاه يمشيني وأتعشى وياه في مطعم
يقول لي شنو بتطلب؟ أقول له شاورمااااااااااااااا

وبس هذي حالتي .. الوالدة تقول لي أنت تطلع مع أبوك أطلب أشياء ثانية غير الشورما
<< نحلل وجود الوالد ههههههههههه

المهم هنا في الكويت هالأكلة إلي هي الشاورما محبوبة لكن مو مثل السعوديين << مجانين شاورما ! لأن هنا في قسم كبير منهم عجم يعني إيرانيين و أفغان ... أو عرب مو كويتين مثل المصرين وهالنوعين ماياكلون شاورما واجد

يعني مثل الإيرانيين و الأفغانيين عندهم أكلات واجد ومن ضمنها .. الآش

يتكون من:
مجموعة من البقوليات ( ماش و عدس ونخج وما ادري شنو بعد )
خضار مشكلة
شوي رز
ومادري شنو بعد اشياء واجد
بس طعمها حلو ومشبعة .. عادة ناكلها هناك عالصباح بدال الفول والعدس

والمصريين عندهم أكلات عد وأغلط .. وأشهرها الكوشري والفول والطعمية
أنا إذا جيت الكويت ما أكل شاورما .. لأن في سندويشة غيرها أحلى و لذييييييييذة ..
هالسندويشة أسمها ( طلــياني ) ياربي من أتذكرها لعابي يسيل ..

هالسندويشة عبارة عن :
سندويشه طويلة
لحم مورتديلا من نوع فاخر
جبن
خس وملفوف
مايونيز
وفي خلطه سحرية تضيف له طعم عجييييب

انا مو من أنصار المورتديلا ولا احب آكلها .. لكن مع هالسندويشه غير !
ماصورت وحده بس يبي لي اطلب بكره وأصور لكم ههههههههههههههه
المهم الله يحي الشاورما .. والحمد لله على رجوعها الأحساء سالمه غانمة
وقرت عينكم يالحساوية ..

رجوع الشاورما في رمضان

للفنان: حسين السماعيل

.
.
.

نراكم  .. تحياتي

 علي البحراني