رالي أرامكو 2010 م

بســـم الله الـــرحـمـن الـرحـيـم
السلام عليكم ورحمة الله وبركاته

مقدمة 1مشترك في فرقة تطوعية في الخبر أسمها كير .. C.A.R.E فعالياتها متنوعة وأكثر شيء تكون في الإستفادة والمحافظة على البيئةوكيف نستفيد من المخلفات في عمل أشياء مفيدة  بالإضافة إلى الأعمال الخيريرة

في دار المسنين والأيتام + الفعاليات التطوعية

مقدمة 2 

مع أحد أصدقائي في الجامعة جاتنا فكرة أن نأسس فرقة تهتم بتقديم العروض العلمية للأطفالعبارة عن عرض تجارب علمية بطريقة بسيطة ومرحة وبإستخدام أدوات من الحياة اليومية يعنيمثل نستخدم البالونات وأعواد الشوي لنبسط لهم عمل عجلات السيارة وكيف يصنعون إطاراتمضادة للإنفجار .. أو إستخدام اليود + الخبز لمعرفة تفاعل النشويات مع اليود .. وهكذا تكون عروضمسرحية للأطفال وفيها معلومات مفيدة وتجارب جذابة ومثيرة لتفكيرهم .. فحاليا ً قاعدين نحاول نأسسهاوسميناها ( فرقة العلوم المقرمشة للعروض العلمية ) جالسين نسجل أسمها في وزارة التجارة علشان نحفظ الحقوق الفكريةوعلشان نسويها علامة تجارية بعدين .. وإن شاء الله بتسمعون عن هالفرقة قريبا ً

هذا ياطويلين العمر شركة أرامكو السعودية تنظم معرض سنوي لأصحاب الدراجات النارية (هارلي)ويكون مفتوح لعوائل الموظفين وغيرهم للقدوم لمشاهدة الدراجات وأيضا ً للإستمتاع بالفعاليات المنوعةيعني يحاولون يسونه كيوم مفتوح فيه مسرح و نشاطات ومسابقات ومطاعم جات وغيرهم .
هالسنة مجموعة كير شاركت في تنظيم وإقامة هذا المهرجان مع أرامكو .. وشاركت فيه كمتطوعكنت متحمس لأن هذي أول مرة أتطوع داخل أرامكو .. فقبل يومين من الحدث جاتني فكرة أني اقدمعرض على المسرح ... فكرت فكرت فكرت تالي قررت اني اسوي عرض علمي للأطفال مثل ماكنت أسوي في مجموعة نيزكوبالفعل كلمت المنظمين ورضوا وتحمسوا ... وأنا بدوري جهزت أغراضي وتدربت عالتجارب وأستعديت

يوم الخميس 11/3/2010 م الساعة 6 الصباح جلست بدلت فرشت اسناني و أخذت أغراضي وتوجهت لأرامكوتجمعنا هناك عند البوابة وهناك لبسنا التي شرتات الخاصة بالحدث




وبدأت الدراجات بالقدوم





الدراجات من جميع أنحاء المملكة ! .. فيه ناس جايين من جدة والرياض وأجانب كثير وفي مجموعة جات من الكويت و مصرأول مايجون نسجل أسمائهم وندخلهم .. وبعدين على الساعة 8 الصباح دخلنا أرامكو كلنا وهناك وقفوا الدراجات الناريةفي الساحة الخارجية بشكل مرتب .. شارك أكثر من 100 شخص بدراجاتهم النارية بجميع الأشكال والأنواع ..





هذي فرقة جات من الكويت





بعدين دخلنا للملعب إلي فيه صارت أغلب الفعالياتصورة للمدخل

المسرح والجمهور






ومسوين اقسام مضللة ومأجرين المكان .. ومأجرينهم على محلات ومجموعات


صورة لمطعم






ستاربكس لازم يجي




إحدى المنتجات



..

جهة خلوها للفرق التطوعية ونشاطات الأطفال





وأقسام للفرق التطوعية والتي كانت:
فرقة كير



جمعية سند لأمراض السرطان للأطفال



ركن التلوين على الملابس لونت على تي شيرت وزينته لخواتي



ركن الرسمطبعا ً صديقي الصدوق و أخوي مستر سمايل




ركن الإكسسوارات للبنات .. يسوون لهم تاج ويزينونه ويلبسونه




ركن الأكلات المنزلية




...

قسم ألعاب الأطفال
النشافاتحبيت هاللعبة ههههههههههههه مين يقدر يربط الثاني أسرع ويمشي لمكان معين ههههههههه


البالوناتاللعبة المشهورة والمحبوبة للجميع لين الحين نلعبها






قسم اللعب للكبارشد الحبل كان رهيييييييب واجد الي شاركوا

ظلينا إلى الظهر الناس تلعب وأحنا نشيل ونحط ونرتب ونعدل كل المتطوعين صايرين مكروفين هههههههههههشفت المسرح فاضي ! .. وكلمتهم قالوا ماعندهم فقرات على المسرح فمتى ماتبي تعرض أصعد وسوي الي تبي

فـ الساعة 10 تقريبا حاولت اني أقدم فقرتي للأطفال صعدت عالمسرح وجهزت الاغراضشوي وإلا يشغلون الأغاني والدي جي !.. ويجون الناس عالمسرح ويصير ازعاج ويصورون!!
لحوووووووووووووول .. شالبلشه .. شلت أغراضي ومشيت

جاء وقت الصلاة طفوا الأغاني ... رحت صليت وكلت لي شيء وأسترحت من هالحر الساعة 1 جيت بقدم فقرتي .. جبت أغراضي عالمسرح وتجهزت .. إلا يجي واحد من أرامكو يمسك المايك ويقول:" أن الآن فقرة ركوب الدراجات النارية فالي حاب يركب يسجل أسمه في الخارج يالله خلونا نقوم حماااااااااس "لحوووووووووووووول .. شالبلشه .. شلت أغراضي ومشيت
وبره تجمعوا .. طبعا ً شرطة أرامكو والإسعاف موجودين تحسبا ً لأي طاريء لاسمح الله



أحبطت بصراحة .. الأطفال مشغولين ومطشرين في الملعب كله .. والكبار بره مع الدراجات النارية .. وناس تاكلوناس تعبت من الشمس حر كان ذاك اليوم .. أنا هنا قلت خلاص مايحتاج أسويها .. وجلست على جنب
إلا جاتني وحدة من مجموعتنا التطوعية وقالت: " علي قدمت فقرتك ! .. طافتني أجل "قلت لها: " ما طافج شيء ماسويتها وشكلي مابسويها "قالت: " خسارة "
 

ومشت
قلت في قلبي هذي أخر محاولة أن ضبطت وإلا خلاص ... زهقت ياخي الأغراض واجد ويا شايل ويا منزل من هالمسرحوأروح لصاحب الصوت وأقوله عطني المايك .. أخذته وتكلمت بصوت عالي:( أهلا وسهلا فيكم اليوم في رالي أرامكو .. سيعرض على المسرح عرض فريد ونادرللي حاب يشوفه يتوجه للمسرح الآن .. سيبدأ العرض بعد خمس دقائق )ورحت جهزت الأغراض وحطيت الكاميرا وجهزت أموري .. وبدأوا الاطفال يجون والناس إلي داخل الخيمة أنتبهوا وصاروا يشوفون ويتابعون
في البداية كنت مرتبك وخربطت ! << الجمهور غريب علي ولأني كنت أتكلم بالإنجليزي لمن بديت العرض والأسئلة وكذا ... شفت أن الجمهور أغلبهم عرب والبعض مافهم شيءفقلبت عالعربي ... وبعض الأحيان أقول بعض الجمل بالإنجليزي .. تجمعوا الأطفال عالمسرحوصارت فوضى وخربوا علي تجاربي ههههههههههههه .. كل هذا في أول خمس دقايق .. بس بعدينأندمجوا وقدمت لهم 4 تجارب وكان العرض مدته 40 دقيقة .. والحمد لله استانسوا واستفادو 

 وهذي صورة تذكارية مع الأطفال

ماكان العرض مثل ما أبيه 10 على 10 .. كان 6 من 10 .. لكن أهم شيء الأطفال أستفادوا وإلتمست هالشيء من عيونهم وتفاعلهم.بعدين خلاااااص .. ارتحت الي علي سويته هههههههههه .. خذت لي غداء و أكلت .. وجلست عند قروبي أسولف ونصور
قعدت أتمشى شفت ناس تمشي مع كلابها .. قلت خل أصورهم هههههههههه



وأخيرا ً سووا الحفل الإختتامي و كرموا المشاركين والمجموعات التطوعية صورة لمجموعة كير والدروع المقدمة من أرامكو لنا ..

بعدها دنخرت ودخت وتعبت .. صارت الساعة 4 العصر شلت أغراضي ومشيت 

عشر ساعات واقف على رجولي انهكت
رجعت الجامعة وكلي ذكريات من فعالية فريدة وأول مرة أجربها في أرامكو 

وتعرفت على ناس كثير في هالمهرجان
هذا كل ماعندي .. شكلي بعد هالمهرجان بوقف نشاطات
لازم نلتفت عالدراسة شوي وإلا شرايكم ؟ أتمنى تكونون استمتعتوا بالتقرير
تحياتي

علي البحراني