.,.خـَـرْبَـشـَات.,.: قانون الجذب 2

بســم الله الرحمن الرحيم .. اللهم صلي على محمد وآل محمد ..

قــانون الجذب
- الحلقة الثانية -

( نظرة مادية )
الإنسان له ذبذبات ومجالات مغناطيسية تتغير وتتشكل على حسب أفكاره ونفسيته
فـ إذا كانت أفكارك إيجابية .. تطلق موجات معينة " بتردد و قوة معينه "
وإذا كانت أفكارك سلبية أو أفكار سيئة .. فـ عقلك سيطلق موجات أخرى !

العلماء في عصرنا الحديث عن طريق بحوث وتجارب على مجموعات من البشر وعن طريق أجهزة ومجسات وملاحظات و دراسات ..
شافوا أن هذي الذبذبات تكون أقوى مع نفس الذبذبات ! وهالشيء منطقي وعلمي !

( نظرة روحية )
إذا كنت تفكر في شيء معين ( بقوة وتركيز ) فهالشيء بيصير لك .. أو بتجذبه لك
من وجهة نظرنا كمسلمين : نقول أن إذا أخلصت النية لله .. ودعيت بقوة وتركيز
الله سيستجيب لدعائك وستعطى ما سألت ( ستجذب الذي تريده) ..
دع روحك إيجابية وكن متفائلا ً .. هالشيء راح يريح روحك وبتحس أن كل شيء سهل وميسر

( تنبيه قبل البدء )
بعضكم يمكن يقرأ في الكتب أو يشوف مقاطع .. راح تحصلون إلي يتكلم راح يقول
( الكون ) سيأتي لك بما تريد .. أو ( القدر ) سيجذبه لك أو ( الإشعاعات ) أو ( الطاقة )
مسميات كثيرة .. لشيء غائب غير حاظر .. إذا ركزت عليه و طلبت إلي تبيه منه راح تصير لك !
وإلي هو في عقيدتنا وإيماننا هو الله سبحانه وتعالى .. حيث هو القائل : ( أدعوني أستجب لكم )
دعوه مفتوحه .. غير مقيدة لا بزمان ولا مكان ولا جنس ولا غرض !
إحنا في هالموضوع راح نحط أحاديث أو آيات بين الحين والآخر لإثراء الموضوع أكثر ..
وأغلب الأوقات راح نقول إشعاعات وطاقة وقوة كامنه وقدرات .. وأنت عزيزي القارئ
عليك أن تميز .. في أشياء مرتبطه بالبشر وفي أشياء ترجع للمولى عز وجل ..

.
.
.

هلا بالجميع .. بنات وشباب .. اليوم جايب معاي في حقيبتي .. كرتين ..

إذا قدرتوا تمسكون هالكرتين وعرفتوا كيف تلعبون فيهم
راح تتمكنون من قانون الجذب .. وتستخدمونه لأي شيء تبونه

الكورة الأولى

.
.
مكتوب عليها ( الشبيه يجذب إليه الشبيه )

تحصلون في المدرسة أو الجامعة .. أن الطلاب إلي يحبون الكورة مع بعض
والطلاب إلي يحبون الرسم ويا بعض .. وإلي الهادين ويا بعض .. والفله وياب بعض
كيف قرروا يجتمعون كذا ؟!
في شيء حركهم .. هي الطاقة داخل كل شخص والترددات إلي يصدرها تفكيره
تؤثر على إلي حواليه بدرجات متفاوته .. وتأثر أكثر وتجذب أكثر للأشخاص إلي
تردد أفكارهم يشابه تردد أفكاره

مثال ( تجربة واقعية ) :
قبل كم يوم كنت بروح محاضرة تدريبية عن " العمل الجماعي" .. وكنت مضيع في الغرفة
كان المبنى كله طلاب .. أنا ماسألت أحد جلست أدور .. وأفكر بالغرفة و أحس أني تأخرت !
فجأة جاني واحد وقفني وقال لي .. ( لو سمحت تعرف فين دورة العمل الجماعي ؟ )
طلع مضيع مثلي ! .. هنا أبتسمت وقلت له إثنينا في الهوا سوى !

شالي كان يصير ؟ ليه من بد كل الطلاب إلي كانوا موجودين هالشخص الوحيد جاني وسألني ؟!
إلي صار هو أني لمن كنت ضايع وأفكر في الغرفة ومكان المحاضرة .. عقلي أصبح يرسل ترددات معينه
أنتشرت في المكان كله .. ما اثرت بالباقي لأن ترددات عقولهم في تلك اللحظة غير ! ..
لكني جذبت لي إلي من كان يفكر بنفس الشيء إلي كنت أفكر فيه .. وترددات عقله مشابهه لترددات عقلي !
.
.
.

زين يمكن تقولون شدخل هالشيء ..
بأني أجذب لي النجاح ؟
أو الفلوس والثراء ؟
أو أجلب لي الشهرة ؟

أنا اقول لكم كيف ..

إذا كنت تفكر في شيء معين ( بقوة وتركيز ) ويكون في بالك دائما ً .. كل يوم تتذكره وتتخيله عدل
وتعيشه بتفاصيله وكأنه صاير لك .. هنا عقلك يرسل ذبذباته و جسمك يرسل طاقته .. وهنا أنت تصير مغناطيس !
تجذب لك كل شخص ممكن يوصلك إلى النجاح أو الثروه أو الشهره
تجذب أي شيء أو أي حدث أو فرصة .. لتوصلك لمبتغاك .. وهنا
عليك أن تكون مركز لأي (شخص) و لأي ( شيء ) .. يمر في حياتك
تحس أنه ممكن يساعدك أو يوصلك لهدفك إلي أنت حاطه ..

وهنا تصير أنت مثل خوينا إلي في الصورة

.
.
.

زين الحين نجي إلى ...

الكورة الثانية

مكتوب عليها قول الرسول الأعظم (ص) : ( تفائلوا بالخير تجدوه )
وممكن نكمل حديث الرسول صلى الله عليه وآله ونقول وإذا ماتفائلت بالخير .. فلن تجده !
الكورة الثانية مكملة للكورة الأولى .. فإذا الكورة الأولى تقول أن أي شيء تفكر فيه تجذبه لك !
فالكورة الثانية تقول لك : أجل لا تفكر إلا بالأشياء الإيجابية والأشياء إلي أنت تبيها !
لا تفكر ولا تتخيل .. الحالات إلي أنت ماتبيها !
إحنا متعودين من تربيتنا أن نخاف ! .. نحذر .. نتجنب .. الأشياء
وهنا نظل نفكر في هالأشياء ( إلي مانبيها ) وبكذا نجذبها لنا وتصير
مرة فكرت أو خفت أنك تاخذ مخالفة مرور على موقف خطأ .. وفي النهاية تاخذ مخالفة ؟
مرة خفت من أنك تاخذ درجة سيئة في الإختبار وتذاكر وتشد حيلك وفي النهاية تاخذ درجة سيئة ؟
مرة كنتي حذره في الطبخ حيل لدرجة أنج خايفه أن الطبخه تحترق أو تصير مالحه .. وفي النهاية تحترق أو تصير مالحه حتى مع حرصج؟

هنا يجي دور الكورة الثانية ..
فكر بالي تبيه لا تفكر بالي ماتبيه ..
البعض يقول .. هذا أنا أفكر بالي أبيه وهو مثلا ( مابي أجيب درجة نازله في المادة الفلانيه )
العقل الباطن مايفرق بين ( مابي .. وبين أبي ) راح يركز على إلي بعدها !
عقلك .. راح يرسل ترددات تناسب الدرجة إلي أنت أصلا ماتبيها .. لأنك جالس تفكر فيها وخايف !
وهالشيء إحنا نقع فيه كثير ونستخدمه كثير .. فخل نركز عليه ..

طيب عرفنا العله .. ماهو الحل ؟
أنك تفكر بالأشياء إلي تبيهم، مثلا ً ..
لا تقول ( مابي أخذ جيد في إختبار الرياضيات )
بل قـــل( أبي أخذ ممتاز في أختبار الرياضيـت )
لاتقول: ( عسى مايصير لنا حادث .. نبي نوصل عدلين )
قول: ( إن شاء الله بوصل سالم إلى البيت )
لا تروح في مظاهره ضد التدخين .. لأن هالشيء راح يعزز ويضخم ظاهره التدخين ويجذب ناس للتدخين !
بل روح في حملات للبيئة .. في دورات عن الصحة .. اقرأ وأنشر ثقافة الصحة البدنية واللياقة و تأثير التدخين عليها !
لا تخرج في مسيرات أو تعمل مقاطعة للحرب مثلا ً ... بل كن مع النداء للسلام .. كن في جمعيات لحفظ السلام والنظام
وبكذا .. لمن تمسكون بالكورتين
الأولى والثانية .. وتعرفون شلون
تستخدمونهم .. كذا تكونون قطعتوا
شوط كبير وتعلمتوا شيء عظيم ومهم
عن قانون الجذب

.
.

مـُلحـق ..

لقيت كتاب السر نسخه إلكترونيه